De Schuachbloda

A Schuachbloda hu ih.
Brenna duad´s g´scheid.
Owa ih tonzat jo so gern mit de Weiwaleit.
Ih mog ma ah nix uhkenna lossn,
wei an Grumpn dand´s jo glei vastossn.
Zähnd zombeißn, aweg lachön und nid z´vü wachön.
Owa got´z stah söd ih mi ah nid präsentian,
sist weascht mi koa Weiwaleit zan Tonzn ausfian.
Ament dad ih eah oft no daborma
und se moanan a Hüflosa oder a Orma.
De Schuachbloda, de hobb mi van Tonzn oh.
Es gleiche Theater wia jeds Joh.